Sipas të dhënave të 24 orëve të fundit, Italia rregjistroi 32,961 raste të reja me Covid-19 dhe 623 vdekje.
Mbi 1 milion të infektuar raportohen zyrtarisht që nga fillimi i pandemisë.
Sot 3,082 infeksione ishin në Veneto, 2,507 në Toskanë dhe 515 në Umbria.
Nga sot pesë rajone kalojnë nga zona e verdhë në portokalli sipas vendimit: ato janë Abruzzo, Basilicata, Toskana, Liguria dhe Umbria.
Krahina autonome e Bolzanos futet në zonën e kuqe. Campania mbetet zona e verdhë edhe pse De Magistris ka njoftuar “masa të bujshme për Napolin”.
Ekspertët po shqyrtojnë gjithashtu kalimin nga zonat e verdha në portokalli për Veneto, Emilia-Romagna dhe Friuli Venezia Giulia.
“Unë po punoj për të shmangur mbylljen e përgjithshme, për një Krishtlindje sa më të sigurt”, – tha Kryeminsitri Conte.
Në botë raportohen aktualisht mbi 51 milion njerëz të infektuar: në SH.B.A., shifrat tejkalojnë 200 mijë raste në ditë, kurse baret dhe restorantet e Moskës të mbyllura natën. Japonia po pret valën e tretë.
