Biçikleta, materiale ndërtimi, kamera. Mbi 60 lloje të produkteve u gjetën nga policia e Castelfrancos, në provincën e Modenës, në garazhin e një 38-vjeçari shqiptar.
Ky i fundit është denoncuar pasi merrte mallra të vjedhura nga bandat e hajdutëve që veprojnë në zonën e Modenës.
“Ansa” shkruan se vlera totale e mallrave arrin në 50,000 euro. Po ashtu mësohet se këto sende janë vjedhur nga banesat apo dhe ndërtesa.
Ndërkohë, policia i ka bërë thirrje banorëve të zonës që të paraqiten në komisariat për të parë nëse ndonjë send që iu është vjedhur mund të jetë në këtë magazinë. /b.d
