Adora, e cila ka lindur në Greqi nga prindër shqiptarë votoi sot për herë të parë. Ajo tregon për ABC Neës se shpreson që me votën e saj të zgjedhë përfaqësues që do ta ndihmojnë atë të bëjë ëndrrat realitet në vendin fqinj.
Nëna e Adorës, e cila pavarësisht se nuk gëzon të drejtën e votës shprehet se sheh një perspektivë pozitive për të ardhmen e shqiptarëve që jetojnë në Greqi.
Brikena Qama dhe Silvana Toska , dy shqiptare që nuk e kanë të drejtën e votës në shtetin fqinj, kanë zgjedhur të angazhohen në një tjetër mënyrë në këto zgjedhje. Ato të dyja po shërbejnë si vëzhguese në qendrat e votimit në mbështetje të kandidatit shqiptar Fatos Malaj, i cili kandidon për PASOK.
Janë 160 mijë shqiptarë të cilët kanë të drejtë vote në zgjedhjet parlamentare që po mbahen në Greqi. 9 mijë prej tyre jetojnë në Athinë./m.j
