Policia Rrugore e Tiranës ka njoftuar se 26 shoferë janë arrestuar dhe proceduar penalisht gjatë kësaj jave që po lemë pas.
Pjesa më e madhe e personave të arrestuar vjen për shkak të drejtimit të makinën nën ndikimin e alkoolit. Por ka nga ata që janë arrestuar edhe për shkak të përdorimit të lëndëve narkotike si dhe korrupsionit të efektivëve të policisë.
Nga ana tjetër nuk kanë munguar as masat administrative. Në një bilanc rezulton se janë vendosur 1771 gjoba në ditë, pra 12402 në total. Por pse janë vendosur gjobat?
“52 masa për xhama të zinj. 408 masa për shpejtësi mbi normat e lejuara. 260 masa për përdorim celulari gjatë drejtimit. 721 masa për mos vendosjen e rripit të sigurimit. 12 masa për mosrespektim të sinjalit “Stop”. 424 masa për mosdhënie përparësi qytetarëve. 8.736 masa për qëndrim të gabuar. 779 masa për mospërdorim të kaskës mbrojtëse/jelekut fosforeshent, neni 169”, njoftoi policia.
Gjobave nuk u kanë shpëtuar as këmbësorët që nuk respektojnë rregullat.
Ndërkohë ka pasur edhe patenta të pezulluara dhe makina të bllokuara. Policia bën thirrje që shoferët të respektojnë rregullat e qarkullimit rrugor.
/a.r
