Maqedonia e Veriut ka regjistruar 193 raste të reja dhe 34 viktima nga koronavirusi, në 24 orët e fundit.
Bilanci ditor tregon gjithashtu se mbi 1 mijë pacientë e kanë mposhtur pandeminë, për një total prej afro 118 mijë të shëruarish.
Instituti Kombëtar i Shëndetësisë Publike bëri me dije se vatra më e nxehtë vijon të jetë Shkupi ndërsa në vend ka afro 20 mijë raste aktive.
Pas shifrave të sotme, numri total i rasteve pozitive që nga nisja e pandemisë është 142.034 ndërsa ai i fataliteteve ka shkuar në 4262./ b.h
