Shoqëria Civile dhe qytetarë kanë dalë sot në një protestë kundër Ligjit të Mbetjeve. ‘T’u themi jo plehrave!’ është motoja e protestës që nisi sot në orën 11:00 ndërsa policia ka ndërmarrë masat për të përcjellë situatën e sotme.
Teksa mblidhej turma, vihen re protestues me qese me vete. Marshimi nis nga Parku ‘Rinia’ për të vazhduar drejt kryeministrisë. Shoqëria Civile ka bërë të ditur se nuk do të pranojë përfaqësues të politikës.
Ndërsa Shoqëria Civile thekson se protesta është e tyre dhe organizohet nga ata, përfaqësues të opozitës pretendojnë të kundërtën. Krerë të opozitës u shprehën më herët se do e mbështesin protestën, por nuk do të jenë aktivë në të.
Ora 11:25-Lavdosh Feruni: Do kërkojmë rrëzimin e ligjit të Mbetjeve
Lavdosh Feruni deklaroi për Report Tv u shpreh se, “ne ambientalistët do të kërkojmë rrëzimin e ligjit të Mbetjeve!”
Ora 11:20 Nis protesta
“Jo plehrave ne Shqiperi!” jane thirrjet e protestuesve teksa nisin marshimin drejt kryeminstrise.
Ora 11:15 Basha përshkon Bulevardin
Kryetari i PD, Lulzim Basha është parë të përshkojë Bulevardin ‘Dëshmorët e Kombit”. Krerë të opozitës u shprehën më herët se do e mbështesin protestën, por nuk do të jenë aktivë në të.
Ora 11:10 Sazan Guri: Gjithmonë kundër plehrave
Ambientalisti Sazan Guri u shpreh për Report Tv se do të protestojë bashkë me familjen. “Kam qenë gjithmonë kundër plehrave. Gjithë jetën time dhe do të jem kundër edhe sot”.
