Analisti Shpëtim Nazarko ka hedhur kritika drejt kryeministri Edi Rama, duke thënë në lidhje me ligjit e miratuar të mbetjeve, se 3 janë mundësitë… ose Rama është i çmendur, ose është nën presionin e grupeve të caktuara ose arka e shtetit është bosh.
I ftuar në rubrikën e Opinionit në Neës24, Nazarko shtoi se fabrikat e ricklimit në vend mund të funksionojnë më së miri me plehrat e vendit, duke dhënë dhe një shembull sesi.
“Ta kundërshtosh ligjin në fillim të mandatit dhe ta miratosh në fund, do të thotë se ose je i çmendur, ose të është bërë shantazh ose arka e shtetit është bosh. Edhe ti thua, ore ky është budalla që e bën këtë punë, ose është praktikisht shteti pa lekë dhe na hyn ndonjë mafie këtu.
Kjo kosto nuk është vetëm tek plehrat, por edhe tek nafta po ta shohësh e eksportojmë, e pastrojnë dhe e importojmë. Shumë mjeranë ose të varfër, venë mbledhin shishe e kanoçe tek kazanët dhe i çojnë tek fabrikat e riciklimit. Këta përbëkan 30 mijë. Para pak kohësh, shumë prej tyre ankoheshin se kryetari i bashkisë u kishte marrë biznesin. Nëse i marrim këto plehra dhe i sjellim këtu, çdo bëjmë me plehrat tona do i çojmë në landfilld në rastin më të mirë se edhe mund të digjen. Shembulli i të varfërve na tregon se mund të bënim diçka tjetër me 5 euro. T’u thuash 2 pensionistëve merrni këto qese dhe ndajuani këtyre për t’i ndarë mbeturinat. Brenda 1 muaji do rregullohet kjo dhe bashkia mund të rregullojë problemet e veta. Këto mbetje u çoheshin fabrikave të riciklimit dhe të gjithë janë të kënaqur”, propozoi Nazarko.
Nazarko vuri në dukje se sasia e informacionit dhe e propagandës është aq e madhe në lidhje me çështjen e mbetjeve, saqë ka futur në frikë qytetarët.
“Ministria e Financave bënte propagandë se shiko nuk do marrim këto ne…Të njëjtën gjë bën Erion Veliaj që vjen vërdallë. Se ç’më duhet mua se ç’bën ai kur kjo histori i mbetjeve terrorizon banorët. Edhe opozita po ashtu. Jemi në një shoqëri ku të gjitha palët vijnë vërdallë dhe thonë se po bëjnë një gjë të madhe. Nëqoftëse kjo qeveri do të merrte nga 25 elementë dhe do t’i bënte 45 normalisht duhet dënuar. Nëse kjo qeveri do bënte djegien, do ishte akt kriminal. Ajo që ka bërë gabim qeveria, është një propagandë që njëri i bie gozhdës e tjetri patkoit. Një njeri i thjeshtë tmerrohet nga kjo sasi informacioni. Problemi i plehrave duhet të trajtohet si çdo problem tjetër. Që të ndodh kjo nuk duhet të ketë propagandë të Ministrisë së Financave dhe shoqërisë civile”, tha Nazarko.
“Më la shije të keqe, ministri i Financave, edhe Shoqëria Civile, edhe kryeministria. Është e njëjtë si historia që derdhim plehra atje, edhe historia që hedhin qepe fermerët e Korçës. Se prodhimet tona hidhen në plehra, e importohen nga Maqedonia prodhime, e me radhë.
Mendoj se kryeministri duhet të marrë ata që ka rrotull vetes, dhe t’i shpjegojnë këtë punën e mbetjeve. Pasi procesi do të rezultojë me humbje. Nuk e mbron dot Barja këtë. Ai nuk është llogaritar. Ai mund të vlerësojë në cilën temperaturë shkrihet alumini”, u shpreh më tej analisti.
“Edhe kur kauza është e drejtë, nuk mund të pritet mirë nëse sillet në mënyrën jo të duhur. Para se të shkosh në referendum duhet t’ia shpjegosh njerëzve çështjen. Unë e di që jo të gjithë shqiptarët e kuptojnë këtë punën e mbetjeve. Sot Shoqëria Civile nuk është më shoqëri civile. Është si bashkimet profesionale që ishin dikur. Sot merren fondet e botës e tundet një flamur aty ku bën sikur proteston. Shoqëria Civile duhet të angazhohet çdo ditë. Dhe të luajë një rol kyç në rastet kur ka një krizë politike”, tha Nazarko.
