PD do të kërkojë një referendum kundër importit të mbetjeve në Shqipëri. Lajmin e bëri të ditur vetë kreu i opozitës Lulzim Basha, i cili tha se kjo është një aferë e Kryeministrit Rama me kartelin e plehrave, duke theksuar se tashmë që Shqipërinë e mbushi me drogë, ai kërkon ta mbushë dhe me mbetje.
“Pasi e drogoi Shqipërinë, Rama tani kërkon të helmojë vendin. Ligji i plehrave është prerje në besë e shqiptarëve. Kjo është një vjedhje e qartë dhe PD-ja do të bëjë të gjitha ato që mund të bëjë opozita. Do dërgojmë në Kuvend kërkesën për një referendum për ndalimin e plotë të importimit të plehrave. E drejta e qytetarëve u anulua pas anulimit të ligjit për referendumit. Me këtë referendum PD vjen me një propozim të qartë: Zero import plehrash. Rrethanat e sotme janë të tilla. Qeveria nuk mund të sigurojë ushqimin, si mund ti besojmë këtij njeriu që nuk kontrollon pistat e drogës së avionëve, që të kontrollojë plehrat. Industria ricikluese ka një punë të madhe për të bërë në Shqipëri, para se ti drejtohen plehrave të Europës. Me 3 gusht, 1 muaj e gjysëm përpara vetë qeveria e Edi Ramës thotë se, duhet para sasia e mbetjeve të riciklueshme në vend.”- tha Basha.
Por nuk ka vonuar edhe kundërpërgjigja e Kryeministrit, i cili përmes ironizimit, ka replikuar me liderin e opozitës. Sipas Ramës, deklaratat e Bashës janë thjeshtë një tymnajë mbi të ashtuquajturin rrezik imagjinar të importit të këtyre mbetjeve.
“Tani qe Luli kapi flamurin e luftes me rrezikun imagjinar kuptohet kollaj se ne ç’kazan fshihet lepuri i rrenës per ligjin tone mbi mbetjet”
/java/a.k
