Liderët polakë festuan mbërritjen e trupave amerikane si pjesë e një zhvillimi të NATO-s, i cili ka marrë kritika nga Rusia.
“Ne ju kemi pritur për një kohë shumë të gjatë,” tha ministri polak i Mbrojtjes Antoni Maciereëicz gjatë një ceremonie në qytezën perëndimore polake Zagan, raporton Associated Press. Rreth 3000 trupa amerikanë janë vendosur në Poloni dhe në 6 vende të tjera që përfshihen në misionin “Operacioni i Atlantikut” që u lançua që pas marrjes së Krimesë nga Rusia në vitin 2014.
Ceremonia e arritjes së trupave amerikanë në Poloni vjen pas më shumë se 2 dekadash pasi trupat e fundit sovjetikë u larguan nga vendi dhe vetëm pak kohë përpara betimit të presidentit të sapozgjedhur Donald Trump.
“Ne pritëm për dekada, dhe ndonjëherë mendonim se na kisht lënë vetëm dhe e kishim humbur shpresën, e ndonjëherë duke menduar se ne ishim të vetmit që mbrojnim civilizimin nga agresioni i ardhur nga Lindja,” tha Maciereëicz.
Zëdhënësi i Presidentit rus Vladimir Putin, Dmitry Peskov tha të enjten se ardhja e trupave të huaj ushtarakë pranë kufijve të tyre ishte e papërshtatshme dhe se cënonte sigurinë kombëtare të Rusisë.
ma.me
