Në kuadër të Samitit të Procesit të Berlinit, Presidentja e Komisionit Evropian, Ursula von der Leyen, do të jetë e para ndër liderët evropianë, që do të mbërrijë në kryeqytetin shqiptar.
Presidenti i Republikës, Bajram Begaj do të presë sot rreth orës 15:30 Presidenten e KE, Ursula von der Leyen.
Begaj dhe Von der Leyen do të zhvillojnë takimin në ambientet e Presidencës.
Pas takimit me Begajn, pritet që Von der Leyen dhe kryeministri Rama të zhvillojnë një konferencë për shtyp në Kryeministri në orën 17:30.
Sjellim në vëmendje se këtë të hënë do të mbahet në Tiranë samiti i Procesit të Berlinit, ku do të marrin pjesë të gjithë liderët e vendeve të Ballkanit, të shteteve anëtare të Bashkimit Europian dhe përfaqësuesit më të lartë të BE-së.
Ky lloj samiti i një rëndësie të veçantë mbahet për herë të parë jashtë kufijve të BE-së.
/a.r
