Është sekuestruar rreth 4.6 kg heroinë e pastër nga Policia Italiane, e cila gjendej gati për tu përzier në Cremona.
Gjatë kontrolleve të shpeshta të policisë në zona si autostrada në provincën e Brescias dhe në atë të Sirmiones ishte vënë re një makinë e dyshimtë, e cila lëvizte mjaft shpesh në këto akse.
Sipas policisë ky mjet ishte në emër të një 40-vjeçari shqiptar, i cili banonte në Cremona dhe që ka pa më parë precedent penal për krime kundër personit dhe pusurisë, ndërkohë që në timon ndodhej një djalë i ri.
Sjellja e tyre sidomos e djalit të ri, i cili gjithashtu është me origjinë shqiptare ka bërë që policia të dyshojë, pasi i riu frekuentonte një banesë në Castelverde, që ishte marrë me qira nga pronari i makinës, djali shkonte në shtëpi ndërkohë që tjetri ishte në punë.
Ndërkohë në datën 31 korrik të këtij viti janë vënë re lëvizje të dyshimta të të riut dhe për këtë arsye Guardia di Finanza ka hyrë në banesë, duke evidentuar se shtëpia përdorej si laborator për përpunimin dhe paketimin e drogës.
Gjatë kontrollit në shtëpi janë gjetur 30 kg substancë përzierëse, mjetin për paketimin e drogës si dhe 4.6 kg heroinë shumë të pastër, të ashtuquajtur ‘të zezë’, e cila është një ndër më të shtrenjtat dhe të kërkuarat.
Janë sekuestruar gjithashtu dy makina të përdorura prej tyre si dhe para cash, të cilat mendohet se kanë ardhur nga aktiviteti i paligjshëm. Shqiptarët kanë rënë në prangat policisë italiane.
a.ç
