Në Kuvendin e Kosovës, ditën e sotme do të mbahet seanca konstituive e legjislaturës së VIII-të të Kuvendit. Kjo seancë pritet që të zhvillohet në ora 10:00. Kujtojmë se zgjedhjet për Kuvendin e Kosovës janë mbajtur më 14 shkurt, ndërsa certifikimi i tyre u bë më 13 mars.
Kuvendi i Kosovës njofton se në rend dite do të ketë disa pika të rëndësishme, si formimi i Komisionit të përkohshëm për verifikimin e kuorumit dhe të mandateve të deputetëve, dhënia e betimit të deputetëve, apo zgjedhja e Kryetarit të Kuvendit dhe e nënkryetarëve të Kuvendit”.
Mediat kosovare raportojnë se Glauk Konjufca do të propozohet nga Vetëvendosja dhe lista ‘’GUXO” e Vjosa Osmanit për kryetar parlamenti.
Edhe vitin e kaluar ishte Konjufca që u vendos në këtë pozitë, por LDK kërkoi me ngulm që të vendoset Vjosa Osmani e cila e zhvendosi Konjufcën ministër të jashtë.
Ky i fundit tashmë do të drejtojë një nga tre institucionet më të rëndësishme të vendit.
Pas konstituimit të Kuvendit, i hapet rruga formimit të Qeverisë së re, të cilën pritet ta udhëheqë Kurti.
g.kosovari
