Është mbajtur në Vatikan mesha e falënderimit për shenjtoren Tereza e Kalkutës.
Në sheshin Shën Pjetër me mijëra besimtarë, ndjekës të urdhrit të bamirësisë së shenjtores së parë shqiptare ndoqën këtë meshë, një ditë pas shenjtërimit të shqiptares. Ajo u drejtua nga Kardinali Pietro Parolini.
“Falenderojmë Zotin që na dhuroi Shenjtoren Tereza e Kalkutës, që me lutjen e saj të vazhdueshme e veprat e mëdha të bamirësisë u bë një pasqyrë e Dashurisë së Zotit e shembull i shërbimit ndaj të tjerëve, e mbi të gjitha ndaj me të dobëtëve, të varfërve dhe të vuajturve. Sot pas njohjes zyrtarisht të shenjtërisë së saj, shkëlqen më me gjallëri. Kjo dritë që është drita e paperëndueshme e ungjillit, ndriçoftë pelegrinazhin tonë tokësor dhe shtigjet e vështira të kësaj bote. Shën Tereza e Kalkutës, lutu për ne”.
Në shesh për të ndjekur ceremoninë ishte Presidenti i Republikës, Bujar Nishani dhe Kryeministri i Kosovës, Isa Mustafa, shkruan klan. Aktivitetet kushtuar shenjtores Tereza e Bekuar e Kalkutës në Vatikan do të vazhdojnë deri në 7 Shtator.
