Sezoni i verës përkon jo vetëm me pikun e prodhimit të shalqirit por edhe eksportin e tij, që këtë vit ka shënuar dyfishim të këtij treguesi krahasur me një vit më parë.
Fieri, Lushnja dhe Divjaka janë zonat më te rëndësishme bujqësore në të gjithë vendin ku sipërfaqja e mbjelle me shalqinit për këtë vit arrin ne mbi 2500 hektar toke dhe eksporti i tij, sipas të dhënave nga ministria e Bujqësisë, vetëm për muajin qershor 2016 arrin në 9454 ton.
Modernizimi i mjeteve për kultivimin e kulturave bujqësore, ka lehtës uar punën e fermerëve dhe ka rritur sipërfaqen dhe sasinë e prodhimit. Në tregun bujqësor të Divjakës vijnë çdo ditë të javës dhjetra furgone nga të gjitha qytetet e Shqipërisë, të cilët marrin perime dhe fruta të freskëta, drejtpërdrejt nga vendi i prodhimit.
Ndërsa janë disa firma eksportuese. Një pjesë e tyre ushtrojnë aktivitetin e tyre përgjithësisht gjatë muajve të verës dhe produktet që eksportojnë më së shumti janë pjepër dhe shalqi. Ndërsa, pjesa tjetër e bizneseve, eksportojnë pothuajse gjatë gjithë vitit në tregjet Europiane dhe Ballkanike, fruta-perime të llojeve të ndryshme.
Qershor 2016- Në Lushnje, eksportet e perimeve arrijnë ne 17 000 ton ose 521 ton me shume se ne qershor 2015
Sot fale politikave reformatore dhe mbeshtetjes financiare qe po adreson ministria e Bujqesise ne mbeshteje te fermereve dhe rritjes se prodhimit bujqesor gjithevjetor, eksportet e perimeve vetem ne qarkun e Lushnjes ne Qershor 2016 krahasur me muajin qershor 2015, arriten ne 17 000 ton ose 521 ton me shume eksporte bujqesore, qe shenuan nje rritje prej 4% kundrejt vitit te kaluar.
Firmat eksportuese divjakase kanë teknologjinë e tyre të paketimit dhe ambalazhimit, por në disa raste ambalazhimi bëhet edhe sipas kërkesave të importuesit. Për lloje të ndyshme prodhimesh bujqësore përdoren arkat e drurit, arkat dhe qeset plastike në madhësi të ndryshme dhe në varësi të kërkesës së blerësit. Gjithashtu, përdoren koshat e mëdhenj prej druri dhe ata plastike si dhe paletat. Pajisja me dokumentacionin e nevojshmë për të kaluar në doganë, sigurohet nga firma eksportuese, e cila garanton për cilësinë dhe kriteret e konsumit. Divjaka është shndërrruar tanimë në qendrën e eksporteve të prodhimeve bujqësore në të gjithë Shqipërinë, të njohura për shijet dhe cilësinë e tyre.
Sipas te dhenave nga ministria e Bujqesise, vetem gjate muajit qershor 2016, ne Kosove, Maqedoni, Bullgari, Bosnje Hercegovine.Serbi dhe Kroaci jaane eksportuar 5 289 ton domate, 268 ton tranguj, 931 ton speca, 174 ton luleshtydhe dhe dhjetra ton perime te tjera te stines qe prodhohen ne fushe dhe sera.
ne keto zona hambar te produktivitetit bujqesor mund të gjesh gjatë gjithë muajve të vitit perime të freskëta dhe me cilësi të mirë. Gjatë ketyre muajve te fundit ne zonen e Lushnjes dhe Fierit ka arritur një prodhim rekord i shalqinit dhe pjeprit. Ndersa produktet bujqësore të ketyre zonave janë të njohura në të gjithë Shqipërinë dhe prodhimi vjetor arrin në 40 000 tonë. Divjaka është një zonë përgjithësisht bujqësore me toka fushore, ku prodhohen perime të freskëta gjatë gjithë muajve të vitit në sasi të mëdha dhe të vogla.
Perimet si patatja, karrota, kokëlakra, lulelakra, brokoli, gjenden gjatë vitit në tregun bujqësor.Ndërsa nga muaji maj deri në fund të muajit gusht gjenden pjepri, shalqini, speca të fushës, kungulli, karrota, panxhari, kastravec,domate dhe produkte të tjera. Më së fundi në Divjakë ka filluar të prodhohet edhe luleshtrydhja, frut i njohur për vetitë e saj. Klima e ngrohtë mundëson hershmërinë e prodhimeve dhe toka mbillet gjatë gjithë stinëve të vitit. (java / r.a)
