Drejtuesi politik i qarkut të Elbasanit, Arbjan Mazniku në një deklaratë për RTSH-në këtë mbrëmje deklaroi se Partia Socialist në këtë qark ka marr 10 mandate, dhe deri tani, e mbron me më shumë se 2 mijë vota diferencë nga PD-ja.
Në një lidhje të drejtpërdrejtë me studion e emisionit “Shqipëria Zgjedh 2025”, drejtuar nga Alban Dudushi, Mazniku u shpreh se janë rreth 38% e votave pa numëruar por projeksioni ynë është se ky mandat është i mbrojtur.
“Elbasani është 10 deputet për Partinë Socialiste dhe ky mandat është i mbrojtur me mbi 2 mijë vota. Mandati i 11 nuk është në skenar, por janë rreth 38% e votave pa numëruar por projeksioni ynë është se ky mandat është i mbrojtur, duke llogaritur dhe votat e diasporës që ne presim rezultat shumë të mirë.”
Duke analizuar trendin e votave në mënyrë masive për PS-në, Mazniku tha se kjo është historia e gjithë këtij procesi zgjedhor ne kemi një rënie në përqindje të Partisë Demokratike në të gjithë vendin por në një pjesë të bashkive kemi një rritje të Partisë Socialiste .
“Elbasani është një nga këto bashki ku PS-ja në përqindje është rritur në raport me rezultatin e zgjedhjeve të 2021. Kjo ka ndikuar për shkak të rënies të opozitës, për shkak të listave, për shkak të ofertës politike. Unë besoj se ndikojnë të gjitha por mendoj personalisht që kanë të bëjnë me ofertën politike që ne ofruam. PS-ja ka bërë një fushatë duke qenë shumë afër njerëzve, me lista kandidatësh me njerëz dinjetoz që përfaqësonin shumë territorin , përfaqësonin vlera të mira në të gjithë qarkun e Elbasanit.
I pyetur se a ka ndikuar ky rezultat që PS-ja mori vota edhe për shkak të heqjes së gjobave nga qeveria, Mazniku tha, se nuk besoj se ka shumë shqiptar që kanë votuar për mazhorancës për shkak se i hoqën gjobat.
“Nuk mendoj se elektorati e ndahu mendjen për cilin do të votonte ditën që morën vesh kur u hoqën gjobat. Unë e di se si e ka gjetur rrugën kjo ankesë tek OSBE-ja, dhe atyre i është dukur e çuditshme por në termat praktik nuk besoj se kjo ka ndikuar në votën e shqiptarëve. Unë e kam shkelur në gjithë territorin në Elbasan por dhe gjithë Shqipërinë dhe nuk dëgjova asnjëri që të thotë do votojë së u hoq gjoba.
