Ministri i Shtetit për Pushtetin Vendor, Arbjan Mazniku, nga Cërriku, deklaroi se sot 9 nëntor, është një ditë e mirë për demokracinë. Ai tha se pjesëmarrja është e kënaqshme.
Mazniku shtoi se fton sërish qytetarët, që të votojnë, që të shprehin vullnetin e tyre të lirë.
“Po kalojmë një ditë shumë të mirë për Cërrikun. Më shumë se 6.000 qytetarë me të drejtë vote kanë votuar. Është një ditë e qetë dhe e mirë për demokracinë shqiptare. Njerëzit i ftojmë sërish të dalin të votojnë, për zhvillimin e mëtejshëm të Cërrikut.
Cërriku ka pasur zhvillim dhe duhet vota e qytetarëve, për zbatimin e projekteve të reja për qytetin. Ftojmë sërish qytetarët që të votojnë. Deri tani ka shumë pak problematika, çdo gjë është e qetë. Edhe në zgjedhjet e fundit zgjedhore, pak a shumë kjo pjesëmarrje ka qenë. Jemi të kënaqur deri tani me pjesëmarrjen”, deklaroi Mazniku.
Sot, më 9 nëntor, po mbahen zgjedhjet lokale të pjesshme në pesë bashki të vendit.
