Kryenegociatori për negociatat e aderimit të Shqipërisë në Bashkimin Evropian, Zef Mazi, u takua sot me Ministrin e Jashtëm Përplotësues të Republikës Greke, Varvitsiotis.
Nga burime zyrtare mësohet se Mazi dhe Varvitsiotis zhvilluan konsultime per bashkëpunimin e mëtejshëm në kuadrin e integrimit te Shqiperise në Bashkimin Evropian.
“Dy zyrtaret e larte diskutuan ndikimin e vendimit pozitiv të Këshillit Evropian në mars 2020 për hapjen e negociatave të anëtarësimit të Shqipërisë në BE. Duke e pershkruar ate si një vendim madhor historik për Shqipërinë, Kryenegociatori theksoi se Shqipëria vazhdon të përmbushë konkluzionet e Këshillit me përgjegjësi dhe vendosmeri edhe më të madhe për të dhënë rezultate. Ai shprehu shpresen dhe besimin se rezultatet e Shqipërisë në fushën e sundimit të ligjit do të pasohen nga vendimi i BE-së për të bërë të mundur hedhjen e hapit te rradhës në rrugën e BE-se – mbajtjen e Konferencës së parë Ndërqeveritare në kohën më të shpejtë të mundshme” – thuhet në njoftim.
Dy bashkebiseduesit mësohet se ranë dakord të vijojnë kontaktet e ngushta, përfshirë duke mbikqyrur zbatimin e Memorandumit të Bashkëpunimit për Përshpejtimin e Procesit të Integrimit të Shqipërisë në BE, për të vazhduar diskutimin mbi çështjet e lidhura me BE, përfshirë mbështetjen politike për Shqipërinë për të hedhur hapin tjetër të mëtejshëm në rrugën e BE-së si dhe per te dhene mbështetje teknike për negociatat e ardhshme.
/a.r
