Partia Socialiste propozon ndryshim të formulës dhe procedurat e zgjedhjet së drejtorit të ri të RTSH-së.
Sipas mediave, deputeti i PS-së, Alfred Peza ka mbledhur 28 firma për formulën e re, për ta futur këtë propozim në procedurë të përshpejtuar në Parlament.
Me firmat e mbledhura nga deputetë të PS-së dhe LSI-së, nisin kështu procedurat për ndryshimin e ligjit mbi RTSH-në.
Formula e propozuar parashikon që të zhvillohen tre raunde zgjedhjesh me shumicë të cilësuar. Ndërsa parashikohen dy raunde për zgjedhjen e drejtorit me shumicë të thjeshtë.
Sipas këtij propozimi, nëse drejtori nuk zgjidhet me 5 raunde, Këshilli Drejtues i RTSH-së shpërndahet.
