Floyd Mayweather është sërish mbreti i pamposhtur i boksit botëror. Amerikani triumfon në ndeshjen e shekullit duke fituar me pikë pas 12 raundeve përballë filipinasit Manny Pacquiao.
Në përfundim të 12 raundeve, 3 gjyqtarët votuan në favor të Mayweather 118-110, 116-112, 116-112 edhe pse në pamje të parë sfida e zhvilluar në “MGM Grand Arena” u duk e barabartë.
Gjerdanët WBC, WBA dhe ai i Pacquiaos WBO të kategorisë ëelter bashkohen nën të njëjtën çati, atë të Mayweather.
Me këtë sukses, Mayweather vazhdon të ruajë të paprekur kolonën e humbjeve në karrierën e tij ku numëron 48 suksese.
Amerikani është dominues në statistika me 435 goditje ndaj 429 të kundërshtarit dhe 148 goditje në shenjë ndaj 81 të Pacquaiaos. Në favor të filipinasit shkojnë vetëm goditjet e forta 236-168. Një strategji fituese që e mban Floyd Mayweather në majën e boksit botëror.
Redaksia Online
(JavaNews.al)
