Mavraj viziton dy shqiptarë në spitalin e Këlnit

Mërgim Mavraj njihet jo vetëm si një lider në fushën e lojës, por edhe si një njeri model jashtë saj, në jetën e përditshme. Si një besimtar i devotshëm, ai nuk ka ngurruar asnjëherë të ndihmojë të varfrit dhe ata në nevojë. Kësaj here, qendërmbrojtësi ynë kuqezi ka bërë një vizitë në spitalin e Këlnit, të qytetit ku luan, ku ka parë nga afër dy bashkatdhetarë të tij, që po kurohen me sëmundje të rënda. Mërgim Mavraj duke vizituar dy fëmijët shqiptarë në spitalin e Këlnit “Gjatë vizitës në spitalin e Këlnit. Zoti im shëroje Danielin nga qyteti i Vlorës dhe Leandrin nga qyteti i Gjakovës,” – shkruan Mavraj në faqen e vet zyrtare në Facebook, ku ka hedhur edhe dy foto me të sëmurët. “Nëse mundni, provoni t’i vizitoni dhe t’i lumturoni,” – është kërkesa e Mavrajt për të gjithë shqiptarët që e kanë këtë mundësi, që janë në Gjermani. (Telesport)