Wanda Nara dhe Mauro Icardi vazhdojnë t’i bëjnë njerëzit të flasin me historinë e tyre të munduar. Pas një vajtje-ardhjeje të gjatë që zgjati disa vite, showgirl-i i dha fund lidhjes. Tërbimi i futbollistit, për hakmarrje i bllokoi të gjitha kartat e kreditit të ish-bashkëshortes. Pas këtij vendimi drastik, Wanda ka kërkuar një marrëveshje me lojtarin. Një mënyrë për të mbrojtur veçanërisht vajzat Isabella dhe Francesca, të cilat janë dy vajza të vogla shumë të lidhura me të dy prindërit.
Marrëveshja mes Wanda Narës dhe Icardit për vajzat
Në orët e fundit, Icardi ka shpërndarë në rrjetet sociale disa foto të Wanda Narës dhe vajzave të saj në DisneyWorld në Florida, ku vetë biznesmenia e ka etiketuar atë, duke e falënderuar për dhuratat për vajzat e saj, pavarësisht distancës (Maurito është në Turqi, i zënë me Galatasaray). Portali argjentinas i thashethemeve Gossipeame zbuloi, disa sfonde për situatën mes të dyve: “Kjo atmosferë e mirë ka të bëjë me faktin se Mauro do të kishte folur me Wandën dhe gjithçka është në rregull. Nuk ka dëshirë më për konflikte. E vërteta është, se nëse ata janë bashkë ose të ndarë, kur kanë vajza të vogla duhet të kalojnë mirë”.
Wanda Nara dhe Mauro Icardi janë ndarë
Së fundmi, në TV argjentinas, Ana Rosenfeld, avokatja dhe shoqja më e mirë e Wanda Nara, konfirmoi ndarjen mes 37-vjeçares dhe Mauro Icardit. “Ju siguroj se janë të ndarë jo vetëm territorialisht, sepse ai është në Stamboll dhe ajo me pushime në SHBA, por edhe emocionalisht. Nuk ka gënjeshtra, është realitet”. Mesa duket, pas ndarjes nga Icardi, Wanda vendosi të qëndrojë dhe të jetojë në Argjentinë: ajo nuk do të kthehet së shpejti në Evropë.
