Analisti i çështjeve politike, Halil Matoshi, e ka kritikuar Lëvizjen Vetëvendosje për veprimin e saj në kufirin e Kosovës me Malin e Zi.
“Vendosja simbolike e një flamuri të Republikës së Shqipërisë në kufirin e Kosovës me Malin e Zi nga deputetët e Kuvendit të Kosovës është gabim i dyfishtë dhe fatal”, ka shkruar Matoshi në faqen e tij në Facebook.
“E para e involvon Shqipërinë pa kurrfarë nevoje në një konflikt banal me një aleat të NATO-s, Malin e Zi (me qene shtet serioz e me diplomaci të fortë Tirana zyrtare është dashtë me reagu me urgjence kundër keqpërdorimit të flamurit të saj zyrtar!???)”, thuhet më tej në shkrimin e Matoshit.
“Dhe e dyta, këta anëtarë të VV-së kur manifestojnë me flamurin zyrtar të Shqipërisë dëshmojnë se janë kundër Republikës së Kosovës, pra kufijtë e saj as që u interesojnë realisht edhe pse jetojnë dhe hanë bukë nga taksat e qytetarëve të saj!”, ka shkruar Matoshi, duke vlerësuar se këto janë “budallallëqe që e mbajnë në pushtet Qeverinë aktuale”, citohet Koha. (b.an)