Mesfushori i Chelsea-t, Nemanja Matiç ka kërcënuar bashkëlojtarët e tij të kombëtares së Serbisë se do të largohet nga kombëtarja nëse sjellja e tyre nuk ndryshon. Serbia është mposhtur me rezultat të thellë prej 4-1 nga Republika e Çekisë, duke humbur takimin e shtatë në 11 ndeshjet e fundit, transmeton Koha.net shkrimin e Goal.
“Gjithmonë tentoj të udhëheqë në mënyrën më të mirë, por disa njerëz nuk duan ta shohin këtë. Sjellja e disa futbollistëve është e papranueshme, jo vetëm në fushë, por edhe jashtë saj, dhe ishte ashtu që nga momenti kur u takuam, të hënën. I kam treguar trajnerit se nuk ka kuptim të vazhdoj me këtë ekip kombëtar nëse gjërat nuk ndryshojnë”, ka thënë Matiç.
