Ish-deputeti i PD-së, Bardh Spahia, ka publikuar sot në rrjetin social “Facebook” një status ku thekson se materniteti “Koço Gliozheni” është në rrezik serioz pas tërmetit.
Por si është e vërteta e lajmit që jep Spahia e që më pas amplifikohet nga disa media pranë PD-LSI, duke përhapur panik?
Të vërtetën e thotë vetë institucioni, materniteti “Koço Gliozheni”.
Me anë të një postimi në “Facebook” duke e pasqyruar edhe me foto, materniteti thekson se ka nisur puna për riparimin e dëmeve të shkaktuara si pasojë e tërmetit dhe se ndryshe nga ç’pretendon Spahia, bëhet fjalë për dëme të rekuperueshme dhe jo dëmtim në strukturë, duke rrëzuar kështu pretendimin e ish-deputetit te Bashës.
Me tej, materniteti thekson se nuk ka vend për panik dhe se nënat dhe fëmijët që po marrin shërbim në këtë spital janë të sigurtë dhe nën kujdesin e mjekëve dhe infermierëve.
Reagimi i plotë i maternitetit “Koço Gliozheni”:
Në maternitetin “Koço Gliozheni” ka nisur puna për riparimin e dëmeve të shkaktuara si pasojë e tërmetit. Por bëhet fjalë për dëme të rekuperueshme dhe jo dëmtim në strukturë. Drejtoria e materniteti “Koço Gliozheni” bën me dije për qytetarët se puna aty vazhdon normalisht. Nënat dhe fëmijët që po marrin shërbim në këtë spital janë të sigurtë dhe nën kujdesin e mjekëve dhe infermierëve. /e.s/
