Kandidati për kryetar në bashkinë e Matit, Agron Malaj zhvilloi një takim me të rinjtë, takim i cili u hap nga kryetarja e FRESH Mat, Edlira Driçi (Palamani) e cila falënderoi të rinjtë socialistë që kanë deklaruar mbështetjen e tyre për Malajn.
Nënkryetarja e FRESH, Linela Markja, apeloi të rinjtë të jenë pjesë e PS-së dhe të bëhen pjesë e vendimeve që do marrin për veten e tyre në të ardhmen, me pjekuri dhe përgjegjësi të plotë. “Nuk duhet të hezitoni të votoni një individ i cili beson tek ju. Dhe ky është vetëm Agron Malaj”, u shpreh Markja.
Kandidati Malaj u shpreh se ndjente keqardhje që për 28 vjet në rrethin e Matit nuk është treguar kujdesi i duhur për rininë. Ai garantoi të rinjtë e Matit se ka një program të qartë mbështetjeje për rininë.
Entuziast ishte takimi me gratë socialiste të Burrelit. Kandidati socialist Agron Malaj pati edhe një takim me sportistë dhe ish-sportistë të Matit. Ish-futbollistë, trajnerë dhe mbështetës të sporteve në qytetin verilindor thanë se për vite me radhë pushteti lokal ka treguar kujdes shumë të pakët për sportet. Po ashtu gjendja e terreneve sportive është kritike dhe se ajo duhet ndryshuar sa më shpejt. Kandidati Malaj premtoi se ai do të tregojë vëmendje të veçantë për ndryshimin e situatës aspak normale.
/a.r
