Janë të shpeshta rastet kur turistë të huaj humbasin rrugën, apo edhe kontaktet në zona të ndryshme të Shqipërisë.
Një gjë të tillë e kanë përjetuar edhe tre turistë anglezë, të cilët u gjetën nga policia dhe banorët e zonës pas disa orësh.
Që prej mbrëmjes së djeshme ata humbën komunikimin në zonën e quajtur Qafë Thore dhe kanë kërkuar ndihmën e Policisë
Shërbimet e Policisë të Komisariatit të Policisë Shkodër dhe Komisariatit të Policisë Malësi e Madhe, në bashkëpunim me banorët e zonës, pas kërkimeve i gjetën dhe tashmë anglezët janë strehuar në një bujtinë.
Policia e Shkodrës falënderon banorët e zonës, për sensibilizimin, angazhimin dhe humanizmin e treguar në disa raste të ngjashme gjatë muajve të fundit, ku së bashku u kanë ardhur në ndihmë turistëve që janë gjetur në vështirësi, për shkak të humbjes së rrugës apo kontakteve.
/a.rada
