Një supermarket dhe një dyqan tjetër në Librazhd kanë rënë pre e grabitësve. Bëhet e ditur se disa persona të maskuar kanë realizuar vjedhjen, dhe më pas janë larguar me dy makina.
Dyshohet se hajdutët kanë qenë të armatosur, ndërsa dëmi në biznese përllogaritet në disa milionë lekë.
Për rastin në fjalë është ngritur një grup i posaçëm hetimor.
Kohët e fundit janë shtuar ndjeshëm vjedhjet në qytetin e Librazhdit.
Pak muaj më parë u regjistruan disa vjedhje të tjera të bujshme, mes të cilave edhe vjedhja për herë të tretë e një argjendarie.
/a.r
