Aventura e dy të rinjve që kishin dalë me maska dhe armë në rrugë për të grabitur, ka zgjatur më pak se 24 orë. Policia e Krujës ka arritur ti kapë, pasi i vodhën një automjet Benz dhe një celular një 18-vjeçari. Në pranga ranë Medi Karaj 27 vjeç dhe Azem Hasa 25 vjeç të dy nga Fushë-Kruja.
Grabitja
Më datë 23.03.2017, rreth orës 20:30, dy persona, i kanë dalë përpara dhe nën kërcënimin e armëve dhe me maska i kanë vjedhur mjetin tip Benz dhe një telefon celular (IPhone 6 S) shtetasit K.X. 18 vjeç, banues në Halil, Fushë-Krujë. Me të marrë njoftim menjëherë në vendngjarje kanë shkuar Efektivet e Policisë, të cilët janë angazhuar maksimalisht në identifikimin dhe kapjen e autorëve. Në vijim të punës hetimore të kryer është arrestuar në flagrancë njëri nga autorët e dyshuar, konkretisht shtetasi: • Medi Karaj 27 vjeç, banues në Fushë-Krujë. Është sekuestruar në cilësinë e provës materiale telefoni i vjedhur (IPhone 6 S). Vijon puna për identifikimin dhe kapjen e autorit tjetër.
a.ç
