Një çift bashkëshortësh, burrë dhe grua janë plagosur nga të shtënat me armë zjarri në zonën e Alliasit në Tiranë.
Ngjarja ka ndodhur pak më parë në rrugën ‘Njazi Meka’ dhe janë plagosur dy persona.
Dy të plagosurit janë transportuar menjëherë për në spitalin e Traumës ku do të marrin ndihmën mjekësore pasi janë në gjendje të rëndë shëndetësore.
Plagosja në Allias ka qenë për shkak të një grabitje në shtëpinë e dy bashkëshortëve.
Disa grabitës me maska dhe me armë hynë në vilën në Allias duke tentuar grabitjen dhe plagosën burrin dhe gruan.
