I moshuari që u dhunua dhe u grabit në banesë nga persona të maskuar është transportuar me urgjencë drejt spitalit të Traumës në Tiranë për një trajtim më të specializuar. 77-vjeçari me inicialet M.E. u transportua nga spitali i Durrësit pas gjendja e tij shëndetësore ëhstë rënduar dhe i rrezikohet jeta.
Ngjarja:
“Në datë 20.11.2017, rreth orës 03:00 në Shkallnur 3 persona me kapuç kanë vjedhur me dhunë banesën e shtetasit M.E. 77 vjeç. Autorët kanë lidhur shtetasit M.E. dhe SH.E. 69 vjeçe (bashkëshortë) dhe kanë marrë një sasi parash rreth 100 000 lekë.
Shtetasi M.E. ndodhet në Spitalin Rajonal Durrës jashtë rrezikut për jetën. Me të marrë njoftim menjëherë në vendngjarje kanë shkuar efektivet e Policisë, të cilët kanë shoqëruar disa persona. Veprimet hetimore po kryhen në bashkëpunim me Prokurorinë e Rrethit Gjyqësor Durrës me qëllim identifikimin dhe kapjen e autorëve”, deklaron policia./a.m.
