Ish-deputeti i Partisë Demokratike, Edmond Spaho ka komentuar ngjarjet e ndodhura së fundmi brenda selisë blu, ish-kolegu i tij Ervin Salianji ka nisur një tur takimesh me demokratët, një axhendë kjo e cila ashtu sikurse dhe nga Berisha u vu në dukje është “personale”.
Përmes një postimi në rrjetet sociale Spaho e ka cilësuar Salianjin si simbolin e problemeve të thella brenda Partisë Demokratike. Ai shprehet se shumë demokratë po ndihen të lehtësuar pasi, sipas tij është bërë e qartë se Salianji ka vepruar me hile ndaj Berishës dhe PD-së.
Megjithatë, ai thekson se ky arsyetim është i gabuar dhe se problemi real qëndron tek mungesa e moralit brenda partisë dhe se ka qenë vetë kreu i Partisë, Sali Berisha ai i cili e ka favorizuar.
“Po shoh nje mase te madhe demokratesh te ndihen te lehtesuar qe me se fundi u be e qarte qe Babalja ja paska pasur me hile SB dhe PD dhe tani qe i doli fytyra e vertete paskemi shpetuar.
Njelloj si ne diktature kur lehtesoheshim pasi kapej grupi i rradhes armiqesor. Ketij arsyetimi i mungon morali dhe PD ka vuajtur dhe do vuaje sa kohe eshte parti ku morali e ka te veshtire te gjeje strehe. Ju mund te me shani cfare te doni, perfshire ate shprehjen qe flet se nuk u bere deputet, por e verteta duhet pare ne sy”, shkruan Spaho, duke ngritur më tej një sërë pikëpyetjesh mbi vendimet politike të viteve të fundit, duke akuzuar Berishën se ka promovuar figura, që sipas tij kanë krijuar përçarje dhe kanë dëmtuar strukturat e partisë.
Ai thekson se sot PD është më e fragmentarizuar se kurrë dhe se pa përgjegjësi nuk mund të ketë drejtësi brenda saj.
Spaho shton se fenomeni “Babale” është produkt i vetë PD-së dhe se partia nuk mund të shmangë pasojat e politikave të ndjekura. Madje më tej ai ka ngritur dyshime se këto lëvizje të fundit mund të jenë orkestruar edhe nga brenda kampit blu.
Postimi i plotë:
Po shoh nje mase te madhe demokratesh te ndihen te lehtesuar qe me se fundi u be e qarte qe Babalja ja paska pasur me hile SB dhe PD dhe tani qe i doli fytyra e vertete paskemi shpetuar.
Njelloj si ne diktature kur lehtesoheshim pasi kapej grupi i rradhes armiqesor. Ketij arsyetimi i mungon morali dhe PD ka vuajtur dhe do vuaje sa kohe eshte parti ku morali e ka te veshtire te gjeje strehe.
Ju mund te me shani cfare te doni, perfshire ate shprehjen qe flet se nuk u bere deputet, por e verteta duhet pare ne sy. Kush i quajti llum dhe nongrata demokratet dhe SB ne nje fjalim ne Korce?
Kush e ktheu Babale mashtruesin ne PD dhe deshte ta bente kryetar te grupit parlamentar pasi i vuri hurin dhe gazin demokrateve ne 8 Janar?
Kush e shpalli mashtruesin te burgosur politik qe mbolli floket dhe rregulloi hunden ne burg? Kush e futi Babalen ne Kryesi ne kundershtim me statutin?
Kush solli Babalen ne krye te PD dhe largoi mbeshtetesit e foltores sepse Babalja nuk mund te punonte me ta?
Kush futi ne listat e mbyllura babalet e PD dhe dha porosi ne struktura qe ne 11 Maj te mos votoheshin mbeshtetesit e Foltores?
Me politiken qe u ndoq gjate dy viteve te fundit a eshte PD sot me e bashkuar apo me e percare dhe me e fragmentarizuar?
Pa i dhene pergjigje ketyre pyetjeve dhe shume te tjerave si to si dhe pa mbajtur pergjegjesi nuk mund te behet drejtesi. Sepse do na dale Babalja i rradhes sikurse PD i kane dale Babale pa fund keto 35 vjet.
Mos e hidhni kaq shpejt poshte Babalen se eshte produkt i yni.
PD nuk rron dot pa Babale. Me vjen keq, por SB kete takem i do rreth vehtes qe tu beje shantazh dhe te shtrojne kurrizin.
Uroj qe Babalja te mos jete i futur nga brenda qe te beje keto gurgulera.
P.S. Te gjithe ata qe kane mendime dhe argumenta kunder me te mijat jane te mirepeitur te komentojne ne kete faqe. Kush fyen dhe ofendon nuk do kete mundesi me te komentoje.
