Disa ditë pas zbulimit të skemës së madhe mashtruese për viza kanadeze, policia e shtetit ka arrestuar dy shtetaset e vendosura në qendër të kësaj skeme. Bëhet fjalë për Lule dhe Adeila Makashi, nënë e bijë. Këto shtetase janë arrestuar nga policia kufitare në Rinas, pasi u deportuan nga autoritetet kanadeze ku dhe u ndaluan.
Njoftimi i policisë:
Policia Kufitare Rinas ndalon dy shtetase (nënë e bijë) të shpallura në kërkim.
Me datë 27.04.2016, ora 23:30, u bë ndalimi i dy shtetaseve në kërkim :
L. M, 52 vjeçe, banuese në Tiranë.
A. M, 28 vjeçe, lindur dhe banuese në Tiranë.
Ndalimi i këtyre shtetaseve u bë për arsye se janë shpallur në kërkim, pasi me datë 25.04.2016 ne D. V. P. Tiranë janë paraqitur qytetar të shumtë, të cilët kanë kallëzuar se shtetesja L. M. dhe e bija e saj shtetsja A. M, i kanë mashtruar duke u marrë shuma të konsiderueshme parash me premtimin për punësim në Kanada.
Shtetaset e mësipërme i’u dorëzuan Seksionit të Luftës Kundër Krimit Ekonomiko-Financiar për veprime të mëtejshme.
