Mashtroi pronarët e dy hoteleve, 4 vjet burg për italianin
Shtetasi italian Ivan Francasso, i cili punonte si këshilltar financiar pranë një kompanie shqiptare, rezulton të ketë mashtruar disa pronarë hotelesh në Tiranë, ku ka qëndruar për të fjetur dhe nuk ka bërë pagesat.
Për këtë arsye, Gjykata e Tiranës e ka shpallur fajtor Francasso-n dhe e ka dënuar me 4 vjet heqje lirie. Ai akuzohet për vlerën penale “mashtrim më shumë se njëherë”.
Ivan Francasso nuk ka qenë i pranishëm në gjyq gjatë gjykimit, pasi ai është larguar në Itali, dhe nuk është paraqitur asnjë ditë në gjykatë.
Sipas vendimit të gjykatës ai ka mashtruar pronarët e hoteleve “Dinasty” dhe “Alpin”. Vlera që Ivan Francasso i detyrohet hotelit “Alpin” është 50.600 lekë dhe ajo e hotel “Dinasty” është 10.114 mijë euro.
