Përfitimi i një shume të konsiderueshme parash përmes mashtrimit ka çuar pas hekurave një 54-vjeçar në Korçë.
“Specialistët për Hetimin e Krimeve Ekonomike dhe Financiare, pas kallëzimit nga një 53-vjeçar, se një shtetas i kishte marrë disa herë para, duke i premtuar se do ta ndihmonte me anë të njohjeve që kishte me disa drejtues të institucioneve shtetërore, kanë kryer veprimet hetimore për rastin dhe kanë vënë në pranga shtetasin: I. Z. 54 vjeç, banues në Korçë”, njofton policia.
Ky shtetas dyshohet se gjatë 4 muajve, i ka marrë 6300 euro, një 53-vjeçari, nëpërmjet mashtrimit.
