Një 32-vjeçar nga Britania që është dënuar me tetë vite burg për mashtrim me vlerë 2.4 milionë paund ndaj të moshuarve po shijon jetën e luksit në Dubai.
Ai është identifikuar si Sami Raja dhe ka postuar fotografi të vetes duke qëndruar në hotele me pesë yje e duke u veshur me rroba firme.
Sami mashtroi 130 persona duke u shitur në mënyrë të paligjshme “carbon credits”, kredite që merren për uljen e ndotjes së mjedisit nga gazrat e lëndëve djegëse, të cilat këmbehen për përfitime të shumta.
Me ato para, ai bleu një makinë luksoze me vlerë 33 mijë paund, të tipit Aston Martin dhe një orë Rolex me vlerë 4 mijë paund.
Ndërkohë që autoritetet e kanë mësuar vendndodhjen e tij, ende nuk kanë bërë asnjë përpjekje që ta kthejnë në Britani ku do të përballet me dënimin.
Procedurat nuk kanë nisur sepse autoritetet në Britani kanë marrë një kërkesë për ta çuar vendimin në apel dhe po presin bashkëpunim me ligjvënësit e Dubai.
