Një ngjarje e pazakontë ka ndodhur në Gjermani, teksa raportohet se kryebashkiakja e Berlinit është mashtruar nga një person që u hoq si kryebashkiaku i kryeqytetit ukrainas, Kievit.
Franziska Giffey mendonte se po komunikonte me homologun e saj ukrainas, kryebashkiakun e Kievit, Vitali Klitschko për rreth 15 minuta, pa kuptuar se në fakt ai nuk ishte Vitali.
Sipas zëdhënëses Lisa Frerichs, 15 minutat e para të bisedës mes kryebashkiakes dhe mashtruesit ishin krejtësisht normale dhe prandaj nuk u kuptua se ai i shte mashtrues. Ai kishte përdorur dhe një aplikacion që ndryshon fytyrën dhe zëroin duke e përdhatur me atë të Vitalit.
“I supozuar z.Klitschko pyeti se si po ia dalim me refugjatët e shumtë ukrainas, si po përballemi me ta, cilat janë numrat – një bisedë krejtësisht normale, siç e kishim pritur.”- tha ajo për video-telefonën, e cila ishte bërë disa ditë më parë.
Dyshimet e kryebashkiakes Giffey u ngritën kur personi donte të fliste për ukrainasit që “përpiqeshin të merrnin përfitime sociale në Berlin”.
Stafi administrativ i kryebashkiakes tha në një postim në Twitter se ambasadori i Ukrainës në Gjermani, Andriy Melnyk, konfirmoi se Giffey nuk kishte folur vërtetë me Klitschko-n.
