Prokuroria e Tiranës ka mbyllur hetimet dhe ka dërguar për gjykim 5 të pandehur, të arrestuar për mashtrim me vizat amerikane në shkurt të këtij viti.
Prokuroria e Tiranës ka dërguar për gjykim Renato Naston, Klea Priftin, Klaudio Leçinin, Klaus Kapedanin, Xhemal Seserin dhe Eduart Gjinin, i cili është ende në kërkim.
Nga hetimet e SPAK ka rezultuar se Renato Nasto falsifikonte të dhënat për vizë amerikane dhe merrte 10 mijë euro.
Nasto është i dyshuari kryesor i cili përmes Instagramit, ku kishte krijuar një faqe me emrin “Viza amerikane insider”, reklamonte aktivitetin e tij të paligjshëm.
Ai gjente klientët dhe pastaj niste procedurat për aplikimin e vizave.
Disa nga personat e përfshirë në këtë skemë mashtrimi kanë plotësuar formularët me të dhëna të rreme.
