Në vitin 2015, administrata tatimore, krahas 4 rasteve të mashtrimit me TVSH, ka denoncuar në organet e hetimit tatimor gjatë vitit që shkoi 157 raste nga të cilat 89 janë fshehje te të ardhurave, 27 raste për mospagimin të taksave dhe tatimeve, 21 raste për punësim të paligjshëm, 13 raste për organizimin e lotarive të palejuara dhe tre raste për falsifikim dokumentesh….
Skemat mashtruese të TVSH-së nëpërmjet të cilave disa subjekte marrin rimbursim të TVSH-së pa të drejtë janë një fenomen që nuk po çrrënjoset nga administratat tatimore.
Sipas një raporti të vetë tatimeve, vetëm në vitin 2015 janë referuar 4 raste në prokurori, të cilat kishin krijuar skema mashtrimi lidhur me Tatimin mbi Vlerën e Shtuar, raporton Monitor.
Ka disa lloje skemash të mashtrimit me TVSH, por më të përdorurat në Shqipëri janë ato karosel. Ku kompani fantazme i qarkullojnë njëra-tjetrës fatura deri sa përplasen në sportelet e tatimeve për rimbursim. Zakonisht këto lloj skemash kanë një bashkëpunëtor të brendshëm nga Administratat tatimore.
Në vitin 2014 qeveria e re bëri një audit për evidentimin e skemave mashtruese me TVSH dhe evidentoi se ata kishin përfituar me pa të drejtë mbi 40 milionë euro. Dhjetëra punonjës të përfshirë në to u proceduan penalisht, por sot e kësaj ditë ky lloj mashtrimi funksionon. Në anën tjetër qindra biznese të ligjshme, kanë si shqetësim të parë vonesën në rimbursimin e TVSH-së.
Në vitin 2015, administrata tatimore, krahas 4 rasteve të mashtrimit me TVSH, ka denoncuar në organet e hetimit tatimor gjatë vitit që shkoi 157 raste nga të cilat 89 janë fshehje te të ardhurave, 27 raste për mospagimin të taksave dhe tatimeve, 21 raste për punësim të paligjshëm, 13 raste për organizimin e lotarive të palejuara dhe tre raste për falsifikim dokumentesh./a.m.
