Kanë dalë sot detaje të reja rreth skemës së mashtrimit që përdorte 38 vjeçarja, me profesion dentiste kundrejt disa shtetasve.
Një ditë pas arrestimit të Olesia Dukës, pasi mashtroi një biznesmen duke i marrë 900 mijë euro, është zbuluar emri i personit që ra pre e mashtrimit. Ai është Idlir Hoxha, biznesmen në qytetin e Durrësit, ndërsa ka një pikë këmbimi valutor.
Stomatologia ishte e lidhur me biznesmenin që në nëntor të 2016-ës duke përfituar edhe prej tij mijëra euro.
Olesia Duka arriti që të mashtronte Hoxhën duke i marrë 900 mijë euro. Prokuroria e Durrësit dje zbuloi skemën e mashtrimit të stomatologes 38-vjeçare, e cila iu merrte para biznesmenëve të ndryshëm, duke i gënjyer se kishte tetë klinika dentare dhe duhet të blinte aparatura e pajisje, ndërkohë që nuk i kthente më shumat e marra.
Stomatologia ka në fakt vetëm një klinikë në Tiranë, që është klinika e Stomatologjisë ‘Shendident’. Ai që e ka pësuar më shumë nga mashtrimet dhe dredhitë e 38-vjeçares ka qenë biznesmeni Idlir Hoxha, i cili ka bërë dhe denoncimin.
Ndërsa raportohet se pranë Krimit Ekonomik në Tiranë kanë bërë denoncomë për mashtrim edhe 6 persona të tjerë, të cilët pretendojnë se janë mashtruar nga Olesia Duka.
