Prokuroria e Tiranës ka regjistruar sot hetimin penal për akuzën e mashtrimit me pasoja të rënda ndaj kompanisë ‘Sun Petrolium Albania’, e njohur si ‘Gulf’. Lajmi është konfirmuar për Report Tv nga burime nga grupi hetimor, ku hetimi penal ndaj ‘Gulf’ është regjistruar vetëm një ditë pasi policia ka paraqitur materialin referuar.
Në këtë hetim janë marrë në pyetje 5 menaxherë shitjesh me pakicë të tollonave, të cilët janë përplasur të parët me klientët. Sipas deklarimeve të tyre, tollonat i merrnin te selia qendrore dhe i shisnin me para në dorë te qytetarët dhe subjektet e interesuara.
“Qytetarët nisën blerjen masive të tollonave prej çmimit 40% më lirë dhe prej reklamave në media. Paratë i dorëzonim pranë firmës, as ne nuk kemi marrë ende rrogat”, kanë thënë menaxherët.
a.ç
