Rreth 1000 efektivë të policisë së Tiranës, por edhe forca shtese të repartit të Ndërhyrjes së Shpejtë, do të garantojnë rendin dhe sigurinë publike me rastin e festave të fundvitit në kryeqytet. Drejtori i policisë së Tiranës, Ervin Hodaj dha detaje mbi këtë plan masash.
Hodaj tha se në çdo komisariat në kryeqytet është përgatitur një plan masash për ambientet festive gjate nje prononcimi ne News 24.
“Rreth 1000 policë do të garantojnë rendin dhe sigurinë. Policë dhe efektivë të FNSH do të monitorojnë situatën. Çdo rrugë drejt Tiranës do monitorohet 24 orë. Çdo komisariat ka hartuar plan masash për ambientet festive. Në ndihmë do të na vijnë edhe policitë private. Do të identifikojmë elementët kriminalë që hyjnë në vend, në bashkëpunim me policinë kufitare”, u shpreh Hodaj.
Vitin 2015 drejtori Ervin Hodaj e konsideroi një vit suksesi për shkak të parandalimit të ë veprave të veprave penale por edhe për zbardhjen e tyre. Sipas tij, në rang qarku regjistrohet një ulje e veprave penale kundër personit dhe kundër pasurisë.
“Të përdoret më shumë autobusi për të shmangur trafikun. Të mos drejtohen mjetet në gjendje të dehur. Në 2015 parandaluam vepra penale dhe zbardhëm krime, si dhe identifikuam autorët. Gjatë vitit që po lëmë pas pati ulje të numrit të veprave penale”, u shpreh kreu i Policisë së Tiranës.
Ndërkaq, Hodaj u ka bërë thirrje qytetarëve që të shmangin përdorimin e automjeteve private për të reduktuar trafikun. Ndërsa drejtuesve të mjeteve u është kërkuar që të mos drejtojnë makinën në gjendje të dehur. /Balkanweb
