Një krim tronditës u shënua në 27 maj të vitit 2018 në Itali, ku 58-vjeçari shqiptar Xhevdet Mehmeti i mori jetën së shoqes Elsa Tereziu, duke e masakruar me thikë.
Këtë të mërkurë Gjykata e Apelit në Bologna të Italisë, ka dhënë dënimin për shqiptarin.
Xhevdet Mehmeti do të qëndrojë pas hekurave për 30 vite, i shpallur fajtor për vrasjen e së shoqes, në shtëpinë e tyre në rrugën Viale Dante, të Piacenza.
Mehmeti masakroi me thikë të shoqen, teksa në shtëpi ndodhej edhe djali 17-vjeçar i çiftit.
Nga autopsia në trupin e së ndjerës, rezultoi se gruaja ka tentuar të mbrohej dhe për këtë arsye kishte me dhjetëra të prera në duar e trup, si pasojë e goditjeve nga bashkëshorti i saj Xhevdeti.
Hetimet zbuluan se Elsa Tereziu ishte dhunuar edhe më parë nga bashkëshorti por nuk e kishte denoncuar kurrë.
g/kosovari
