Bie në prangat e Policisë një 62-vjeçar, i shpallur në kërkim kombëtar për veprën penale “Vrasje për shkak të marrdhënieve familjare, mbetur në tentativë”, kryer në bashkëpunim.
Nga Shërbimet e Policisë së Postës Manëz, Durrës, në bashkëpunim me Shërbimet e Policisë së Komisariatit Nr.3 Tiranë, në rrugën “Jordan Misja”, Tiranë, është kapur dhe ndaluar Medi Koleci 62 vjeç, banues në fshatin Armath, Durrës.
Ky shtetas në vitin 2018, në fshatin Armath, Durrës,në bashkëpunim me dy djemtë e tij ka goditur me mjete të forta (sopatë), kunatën e tij, shtetasen Qafsere Koleci, duke i shkaktuar dëmtime serioze për jetën.
Në ngarkim të këtij shtetasi, Gjykata e Rrethit Gjyqësor Durrës, më datë 20.10.2018 ka vendosur masën e sigurisë “Arrest në burg”, për veprën penale “Vrasje për shkak të mardhënieve familjare, e mbetur në tentativë” kryer në bashkëpunim.
Materialet hetimore i kaluan Prokurorisë për veprime të mëtejshme.
Ngjarja
Qefsere Koleci akuzonte asokohe se kunati i saj kishte zaptuar një rrugë shtetërore tek e cila ajo dhe familja e saj kalonin prej 23 vitesh për të shkuar në tokën e tyre.
Djali i saj Eltoni tha se Bashkia e Durrësit ju dha atyre të drejtë dhe IKMT-ja ndërhyri për të hapur rrugën, por ky veprim inatosi xhaxhanë e familjarët e tij.
Ai tentoi që të bllokojë sërish rrugën pas ndërhyrjes se IKMT, por policia e shoqëroi disa orë, ndërsa sapo e liroi, ai së bashku me djemtë në shenjë hakmarrje dhunuan 55-vjeçaren.
