Masakrimi dhe vrasja e çiftit Pasho nga Vlora tronditi mbarë opinionin publik, teksa ata u gjetën të paketuar brenda 4 valixheve.
Elona Kalesha është 36-vjeçarja e arrestuar për vrasjen e dyfishtë të bashkëshortëve Shpëtim dhe Teuta Pasho. Ajo dyshohet se e kreu vrasjen “me vendosmëri të ftohtë”, duke kryer një sjellje që përbën “rrezik shoqëror “, dhe për këtë arsye ekziston” rreziku konkret dhe aktual që mund të përsërisë krimet kundër jetës dhe sigurisë personale “. Kështu shkruhet në artikullin e publikuar nga ‘Lanazione‘.
Kjo u tha nga gjykatësit e Firences, pasi refuzuan ankesën e paraqitur nga avokatët e Kaleshit. Rrezikshmëria shoqërore e gruas, për gjyqtarët “është dukshme nga të dhënat penale që rezultojnë kundër saj”.
‘Në çdo rast të favorshëm-nënvizojnë gjyqtarët – Kalesha i mashtroi hetimet mbi zhdukjen ”e dy bashkëshortëve, prindër të ish-të dashurit Taulant Pasho. Rishikimi gjithashtu zbuloi se ekziston një “rrezik i madh” i largimit së gruas, e cila ka mbajtur “lidhje të forta miqësie” në vendin e saj të origjinës.
Për këto arsye, “masa e sigurimit të paraburgimit në burg është e vetmja e përshtatshme”. Nën hetim janë gjithashtu Denis Kalesha, vëllai i vogël i Elonës dhe ish i dashuri, Taulant Pasho.
Çifti Teuta dhe Shpëtim Pasho u gjetën të copëtuar në Itali në 4 valixhe, pesë vite pas zhdukjes. Që prej nëntorit të viti 2015, që përkon edhe me kohën kur doli nga burgu djali i tyre, nuk u dëgjua asgjë për ta. Ata u gjetën pranë burgut ku ka vuajtur dënimin djali, nga ku mendohet të ketë marrë shkak edhe vrasja. Detajet që ndihmuan në identifikimin e trupave, ishte një tatuazh që mbante në krah burri i copëtuar, që u konfirmuar më vonë.
Prova më e fortë ishte kryerja e AND-së tyre, që vërtetoi se ishin ata. Ndërkohë, policia italiane vijon hetimet në zbardhjen e plotë të vrasjes makabre të çiftit shqiptar. Tashmë e akuzuara për krimin është Elona Kalesha, që në kohën e zhdukjes së çiftit ka qenë e dashura e djalit të tyre, Taulanti, ndërsa tani ndodhet pas hekurave. Pavarësisht akuzave ajo nuk ka pranuar asgjë në lidhje me këtë krim.
g.kosovari
