Presidenti amerikan, Donald Trump, ka urdhëruar “verifikim ekstrem” të migrantëve, pasi policia ka arrestuar një shtetas nga Uzbekistani, si të dyshuar për atë që ajo e vlerëson si “sulm terrorist”, nga i cili dje u vranë tetë vetë në Nju Jork.
Ky ishte sulmi i parë i tillë në Nju Jork prej 11 shtatorit të vitit 2001 dhe hera e parë që në Shtetet e Bashkuara është ndërmarrë një sulm i tillë me makinë, i ngjashëm me ato që kanë ndodhur në Evropë.
“Sapo kam urdhëruar Departamentin e sigurisë për ta shtuar Programin e Verifikimit Ekstrem”. Duke qenë korrekt politikisht është mirë, por jo për këtë”, ka shkruar presidenti Trump në rrjetin Twitter, pasi më parë tha se sulmi ishte kryer nga një “person shumë i sëmurë dhe i çmendur”.
Policia e Nju Jorkut tha se i dyshuari, të cilin policia e kishte qëlluar dhe arrestuar në vendin e ngjarjes, e kishte shfrytëzuar një kamion të vogël të huazuar për t’i goditur këmbësorët dhe çiklistët në një rrugicë afër vendit ku dikur qëndronte Qendra Botërore e Tregtisë.
Reagon Trump pas sulmit në Manhattan, ja çfarë thotë
Presidenti i Amerikës Donald Trump ka reaguar me anë të një statusi në “Twetter”, lidhur me ngjarjen e rëndë ku mësohet se një person në Manhattan ka vrarë 8 persona dhe ka plagosur disa të tjerë.
Ai në fillim ka drejtuar një kamion drejt personave që po vraponin në rrugë dhe disa të tjerëve që udhëtonin me biçiklete, dhe më pas është ndalur pasi është përplasur me një autobus shkolle. Por agresori nuk ndalet këtu. Ai del nga kamioni me dy armë në duar dhe ka qëlluar në drejtim të policisë dhe personave të tjerë të rastit.
“Në NYC, duket se ka ndodhur një sulm tjetër nga një person i sëmurë dhe me çrregullime. Institucionet e ligjit po e ndjekin nga afër këtë”, shkruan Trump.
