Eksperti i sigurisë Fatjon Softa foli këtë të enjte (2 janar 2025) për Report Tv lidhur me masakrën në Cetinjë të Malit të Zi, ku Aco Martinoviç vrau më 1 janar 12 persona dhe në fund veten, pasi u rrethua nga policia.
Për Softën, kjo ngjarje solli në vëmendje problemet e shumta që vijnë nga lejimi i armëve për popullsinë, në Malin e ZI.
“Hodhi në dritë një problem që Mali i Zi ka në liberalizimin e mbajtjes së armëve dhe jo vetëm Mali i Zi, por edhe Serbia dhe në disa zona te tjera, prezenca e armëve në duart e popullsisë është një problem shqetësues”,- tha Softa.
“Dihet që edhe shumë grupe kriminale shqiptare marrin armë dhe sidomos pistoleta, një pjesë e tyre, qoftë edhe eksplozivë, vijnë nga Mali i Zi”,- theksoi ai.
Më tej, eksperti i sigurisë tha se zgjerimi i masakrës në këtë lloj përmase mund të ketë ardhur si pasojë e reagimit të dobët dhe jo në kohë të policisë të Malit të Zi.
“Ky është një qytet i vogël me aq sa kam unë informacion, një qytet përgjithësisht i qetë, por një qytet i varfër dhe pa perspektivë, kështuqë ka një lloj dëshpërimi dhe një lloj stresi tek qytetarët e kësaj qyteze.
Moment i rrethimit nga strukturat kryesore dhe thirrja për t’u dorëzuar, policia thotë se ka goditur veten por mund të ketë qenë dhe shkëmbin zjarri. Kjo është ende një çështje në hetim por fakti që është bërë izolimi, ka qenë ndoshta një reagim i vonuar sepse vrasjen dhe ekzekutimin e këtyre 12 vetave nuk e ka bërë në një vend të vetëm, I ka bërë në 5 ambiente.
Pra pasi ka bërë ekzekutimin e pronarit dhe 2 fëmijëve të tij, ka lëvizur në disa ambiente. Nuk ka qenë i shpejtë neutrlizimi, njoftimi i strukturave i cili mund të kishte bërë më herët neutralizimin e tij papa se të arrinte në këtë vrasje masive”,-tha Softa.
