Babai i autorit që vrau 84 persona ka folur për herë të parë pas masakrës së të enjtes në Nice të Francës.
Gazetari i BBC-së, ka arritur t’i marrë një deklaratë babait të Mohamed Lahouaiej-Bouhlel, i quajtur Monthir, i cili ka theksuar se i biri kishte kriza nervore por se po trajtohej me ilaçe.
“Ai nisi trajtimin, mori ilaçet e tij dhe ne kemi menduar se ai ishte duke ecur mirë. Këtu është vërtetimi mjekësor. (tregon letrën) Unë e çova atë tek një psikolog, i cili ndoqi trajtimin e tij, por ndonjëherë kishte kriza nervore dhe në ato momente thyente dhe shkatërronte çdo gjë. Ka pasur një problem nervor dhe kur bëhej nervoz thyente gjithçka. Ai kishte probleme me gruan dhe mendoj se kjo ka i ka shtuar problemet e shëndetit të tij mendor”.
Gazetari i BBC-së ka raportuar nga Tunizia, vendlindja e Bouhlel, ku tha se ngjarja ka shkaktuar mosbesim dhe shok në mesin e njerëzve. (java /r.a)
