Arrestohet në Itali një i shumëkërkuyar shqiptar i akuzuar për disa krime të rënda. Policia e Barit ka prangosur një 40-vjeçar nga Berati i cili akuzohet për të paktën 4 vrasje.
Bëhet fjalë për shtetasin Gëzim Kasemi, i cili duhet të shlyejë edhe 3 vite e 1 muaj burg që i ka mbetur nga dënimi për krimet e kryera. Ai ishte i shpallur në kërkim ndërkombëtar pas vendimit të Gjykatës së Apelit të Tiranës.
Ai akuzohet për vrasjen e 4 personave dhe plagosjen e dy të tjerëve në vitin 1998 në qytetin e Beratit. Krimin e rëndë ai e kreu së bashku me një shok në një lokal të Beratit ku hapën zjarr ndaj disa personave.
Pas ngjarjes ata u arratisën por u kapën më vonë dhe në vitin 2015, pasi kishte kryer pjesën më të madhe të dënimit, Gjykata e Tiranës vendosi që ta lironte me kusht Gëzim Kasemin. Ky i fundit u arratis nga Shqipëria.
Por, Apeli i Tiranës rrëzoi vendimin e Shkallës së Parë dhe riktheu në fuqi dënimin e tij kur i kanë mbetur edhe 3 vite dënim për t’u shlyer. 40-vjeçari që tashmë u arrestua në Bari, do të ekstradohet në Shqipëri nga autoritetet italiane./a.m.
