Pjetër Gocaj është babai i dy vëllezërve Xhovani dhe Edmond Gocaj që mbetën të vrarë në masakrën e Velipojës më 27 Qershor 2021. Ngjarja në atë kohë ndodhi pas konfliktit për vendosjen e çadrave të plazhit me familjen Verracaku, pasi të dyja palët kanë hotelet e tyre në Velipojë.
Në një intervistë për emisionin Uniko nga Spartak Koka në Klan Plus, Pjetër Gocaj ka rrëfyer se si ai mësoi në momentet e para që ju vranë të dy djemtë në oborrin e familjes së tyre.
Pjetri thotë se ka qenë në dhomën e tij në kat të dytë kur ndodhi ngjarja. Ai dëgjoi fjalët njërin prej djemve të tij që bërtiti duke thënë “ku shkon se më vrave vëllain”.
Më pas doli jashtë dhe pa se djali i madh, Edmondi, i ishte vrarë poshtë ballkonit të dhomës së tij.
Pak metra më tutje ishte djali i vogël Xhovani që ishte qëlluar me armë. Ai kishte shenja jete por ndërroi jetë më pas.
Pjetër Gocaj: Shikoje ku më është vrarë djali i madh, që e kanë vrarë të parin, Edmondin.
Angjelina Gocaj: Ka dalë Pjetri ka ardhur edhe ky polici këtu përnjëherë me Pjetrin, e morën Xhovanin e kanë futur në ambulancë pa askënd brenda, veç një komshie e ka shoqëruar Xhovanin.
Spartak Koka: Edmondi kishte mbaruar?
Angjelina Gocaj: Kishte mbaruar Edmondi. Kanë ardhur 4 vetë. Ka ardhur Hasani, Astriti i vogli, kanë qenë edhe dy djemtë e tjerë.
Spartak Koka: Kishin lënë takim më parë?
Angjelina Gocaj: Jo, asnjë gjë. Qëndrova me djemtë, asnjë fjalë nuk më thanë.
Spartak Koka: Ke qenë këtu?
Pjetër Gocaj: Unë kam qenë në këtë shtrat vetëm. Kam dëgjuar krisma po këto të gënjejnë krismat prej fishekzjarreve se ishte 1 e natës. Kur kam dëgjuar britmën e djalit “ku shkon mor se më vrave vëllain”, atëherë i kam dhënë forcë vetes u ngrita dola. Këtu kanë qenë duke ndejtur. Atje ka qenë tavolina që i ka ulur djali i madh. Kanë qenë 5-6 vetë, kështu dëshmojnë edhe dëshmitarët. Ka ardhur ai tjetri, ai që ka shoqëruar Kujtimin.
Angjelina Gocaj: Pjetri ka qenë te dhoma 7, nuk kanë ardhur të thërrasin Pjetrin, por kanë ardhur të organizuar se e kanë rrethuar komplet hotelin edhe kanë ardhur dhe kanë bërë këtë ç’a kanë dashur të bëjnë.
Pjetër Gocaj: Kanë dalë te një rrugë e shkurtër dhe kanë ardhur familjarisht. Si ka mundësi që kur dëgjova krismat unë dhe dola, atje ka qenë grumbulli i grave duke bërtitur, gratë e tyre?
Spartak Koka: Takimi ishte lënë? Dihej që do vinin në orën 1:00 të natës?
Pjetër Gocaj: Jo, absolutisht. Nuk kanë lënë takim, vetëm kanë shkëmbyer ca fjalë.
Nga masakra e Velipojës në vitin 2021, u vranë 4 persona dhe u plagosën 2 të tjerë.
/s.f
