Dy ushtarë japonezë u vranë dhe një tjetër mbeti i plagosur, pasi një koleg i tyre hapi zjarr në një poligon qitje në Japoninë qendrore.
Policia ka vënë në pranga autorin e këtij krimi të rëndë në qendrën stërvitore të Gifu, i cili është një praktikant 18 vjeçar, teksa motivet janë ende të paqarta.
Dhuna me armë mbetet jashtëzakonisht e rrallë në Japoni, por ka pasur disa incidente të dukshme që nga korriku i kaluar, kur ish-kryeministri Shinzo Abe u qëllua për vdekje në një tubim politik nga një protestues.
Abe ishte kryeministri më jetëgjatë i Japonisë dhe vdekja e tij tronditi thellësisht vendin.
Japonia u trondit përsëri në prill kur kryeministri Fumio Kishida shpëtoi i padëmtuar nga një sulm me një bombë shurdhuese në fushatën e tij.
/a.r
